Para pak ditësh Kim Kardashian shpërndau një foto të modeleve shtatzënë të veshura me stile të ndryshme të linjës së saj Skims, me emër “solutioonwear”.
Përmes një postimi në llogarinë e saj Twitter, Kim njoftoi se e linja do të dalë në nëntë ngjyra më 16 shtator.
“Ajo që keni pritur: Skims do të vijë së shpejti. Prezantimi i veshjeve për gratë shtatzëna që ofrojnë më të mirën në rehati dhe mbështetje për ndryshimin e trupit tuaj gjatë dhe pas shtatzënisë”, shkroi ajo.Kardashian u tregoi ndjekësve më shumë për dizajnin e tyre, se si pjesa e sipërme ka një kapëse që shërben për të thjeshtësuar gji-dhënien dhe “material jo-kompresiv” që lejon rritje të shëndetshme të barkut të gruas dhe i jep formë kofshëve dhe të pasmeve.Në rrjetet sociale, zbulimi i linjës së re u prit me reagime të ndryshme dhe disa ndjekes akuzuan Kim se me prodhimin e saj të ri, nënkupton që gratë shtatzëna duhet të shqetësohen për pamjen e trupave të tyre.“Pse grave shtatzëna ju nevojitet Skims? Është kaq pa lidhje”, shkroi një person në Twitter.“Lërini njerëzit të shijojnë shtatzëninë e tyre pa menduar se duhet të mbajnë një figurë perfekte.”Nuk është hera e parë që Kardashian shkakton polemika me linjën e saj të rrobave. Në vitin 2019, ajo e riemërtoi markën Skims pasi emri i saj origjinal u dënua për të qenë “i pandjeshëm nga pikëpamja kulturore”.