Një 25-vjeçar është arrestuar nga policia e Matit pasi i janë kapur disa doza droge.
Bazuar në informacione të grumbulluara në rrugë operative, se një shtetas posedonte dhe shpërndante lëndë narkotike në doza, specialistët për Hetimin e Krimit në Komisariatin e Policisë Mat, arrestuan në flagrancë shtetasin 25-vjeçar Mariglent Palluçi.
Gjatë kontrollit fizik policia i gjeti këtij shtetasi 20 doza me lëndë narkotike, të dyshuara canabis sativa, gati për shitje, të cilat u sekuestruan në cilësinë e provës materiale.
Materialet hetimore i kaluan Prokurorisë pranë Gjykatës së Shkallës Parë Mat, për veprime të mëtejshme.