Franca po drejtohet nga një president i paaftë, u shpreh ditën e enjte presidenti turk, Rexhep Taip Erdogan.
Për shkak të mosmarrëveshjeve të tyre, Erdogan dhe Macron kanë shkëmbyer fyerje ndaj njëri-tjetrit prej disa muajsh.
Këto mosmarrëveshje e lidhen me disa çështje, duke nisur me Libinë dhe pjesë të Lindjes së Mesme deri në mosmarrëveshjen detare të Turqisë me Greqinë.
Macron e zemëroi Ankaranë javën e kaluar kur kritikoi mënyrën sesi Turqia po qeveriset nga Erdogani, duke thënë se ky vend “meritonte diçka tjetër”, shkruan Rel.
Bashkimi Evropian do të diskutojë javën e ardhshme për mundësinë e sanksioneve ndaj Turqisë, pas dërgimit të anijeve të saj në ujërat mesdhetare për të kërkuar naftë dhe gaz. Ndaj këtij rajoni kanë pretendime Qiproja dhe Greqia, raporton AFP.