Probleme në horizont për Romën, për shkak të një gafe të bërë në përpilimin e listës për Serie A. Verdhekuqtë kanë përfshirë në fakt Amadou Diawara, i datëlindjes ’97, në listën e “Under 22” e jo tek ata “over”. Një gabim që mund ti kushtojë shumë rëndë skuadrës së Fonsecas, që tani rrezikon të humbasë 0-3 në tavolinë ndeshjen kundër Veronës, me arsyen se kanë futur në lojë mesfushorin nga Guinea, që nuk ishte prezent në listën zyrtare të 25 futbollistëve që është dorëzuar në fillim të sezonit.
