Arrestohet autori i dyshuar për plagosjen e 17-vjeçarit në Sukth. Sipas burimeve të policisë, ka rënë në pranga shtetasi me inicialet XH.S, banues në Sukth.
Ai dyshohet se pas një konflikti të çastit, ka goditur me mjet prerës (thikë), Elvin Zirën, 17 vjeç, i cili ndodhet në spital nën kujdesin e mjekëve, jashtë rrezikut për jetën.
Materialet do t’i kalojnë Prokurorisë së Rrethit Gjyqësor Durrës, për veprime të mëtejshme.