• |
ide | kryesore

Kurti: Grenell nuk është Amerika

-Instant, Arkiva, Lajme, Të fundit

Kryetari i Lëvizjes Vetëvendosje, Albin Kurti, është pyetur rreth akuzave që i janë bërë për anti-amerikanizëm duke iu referuar deklaratave të të dërguarit të posaçëm i administratës Trump për dialogun Kosovë-Serbi, Richard Grenell.


“Për mua, emisari Grenell është i Amerikës, por Amerika nuk është emisari Grenell”, ka thënë Kurti në KTV.


“Prej Perëndimit e kam mësuar kritikën edhe ndaj zyrtarëve perëndimorë, kur më duken joparimorë për Perëndimin si e njohim dhe si e kemi mësuar. Pra, në këtë aspekt, aleatët dhe partnerët janë të tillë, vetëm nëse ekziston e drejta për kritikë. Nëse nuk guxon të mos pajtohesh me asnjë zyrtar në asnjë rrethanë, atëherë ky nuk është partneritet dhe aleancë”, – ka thënë ai.

Sipas tij, Kosova s’mund të krahasohet me Amerikën.

“Unë nuk kam dashur t’ia vë reciprocitetin SHBA-së, por Serbisë po”, ka thënë ai.

Kurti ka thënë se është i vetëdijshëm për dallimin e madh në përmasa.

“Mirëpo, kur thoshte emisari Grenell: hiqeni taksën 100 për qind. ‘Në rregull’, thoja ‘ky është neo-liberal, s’do barriera askund, ndonëse në raport me Kinën mendon pak më ndryshe, po e pranojmë. Por, po e vendosim reciprocitetin. Kur tha të hiqej edhe reciprociteti gjë që e kisha dëgjuar shpeshherë, nga Vuçiqi dhe Daçiqi që thonin se reciprociteti është më i rëndë, se taksa, atëherë komunikimi ynë praktikisht u pamundësua dhe pasoi një trysni tejet e madhe me partnerin tim të koalicionit”, ka thënë ai.

Ai i është referuar një raporti të Departamentit amerikan të Shtetit, në të cilën ishte përgëzuar qeverisja e tij.

“Tash së fundi e kishim një raport të Departamentit amerikan të Shtetit për klimën e investimeve në Kosovë, ku lavdërohej Qeveria Kurti, që ka luftuar korrupsionin, por nuk ka arritur, për shkak të mandatit të shkurtër, që të institucionalizojë metodat e veprimit kundër korrupsionit”, ka thënë ai, i pyetur rreth akuzave që janë bërë për anti-amerikanizëm.

Ai ka pyetur se përse lavdërohet nga Departamenti i Shtetit, “nëse jam anti-amerikan”.

“Unë besoj që këta njerëz, duke mos dashur të merren me argumentet tona, dëshirojnë të vendosin etiketa të paqena. Si e kam kundërshtuar, në emër të vlerave të OKB-së, përfshirë edhe rezolutën anti-kolonialiste për dhënien e pavarësisë popujve të kolonizuar nga viti 1960, që e ka Kombet e Bashkuara. Ne emër të OKB-së e kam kundërshtuar UNMIK-un, në emër të vlerave të Bashkimit Evropian kam kundërshtuar EULEX-in dhe në emër të vlerave të SHBA-së, unë kam kundërshtuar emisarin Grenell”, ka thënë ai.

3 Comments

  1. Jo ne fakt eshte c.a.me sa kina lexu. eshte c.a. pak ma nalt.. he mor kurt… me mir gjith jeten nje pune te thjesht se 1 lug corb te prishur..ose lug m.t…

  2. Realisht ne Kosove vetem Kurti ka nje artikulim te qarte politik dhe nje qendrim kosenguenc te mendimeve te tija, per kete duhet vlersuar, pastaj a eshte e dobishme per politiken shqiptare ky qendrim kete t’ja leme kohes. Realisht une mendoj se ai ka shume ndikim ne polit berjen shqiptare.

Lini një Përgjigje

Adresa juaj email s’do të bëhet publike.

Kthehu