Mbetet i lartë numri i të prekurve nga Covid-19 në Maqedoninë e Veriut. Nga përditësimi i fundit është bërë me dije se 152 persona kanë rezultuar pozitivë me Covid-19, nga 1630 testime të kryera.
Nga Ministria e Shëndetësisë bëhet me dije se 2 persona nuk e kanë fituar betejën me virusin duke e çuar në 712 numrin e personave që kanë humbur jetën nga Covid-19. 126 pacientë janë shëruar në 24 orët e fundit.