Atletico Madrid ka lajmëruar firmën në kontratë me sulmuesin e Barcelonës, Luis Suarez, Uruguajani, që përfundoi në shënjestër të Juventus e në qendër të cështjes së pasaportës italiane, do të vazhdojë të luajë në la Liga. Klubi katalanas ka zbuluar se Colchoneros kanë pranuar të paguajnë 6 milionë euro për të marrë Suarez, që është larguar në lot nga stërvitja e fundit me blaugrana. Në fund të gushtit i ishte komunikuar se nuk bënte më pjesë në planet e teknikut të ri Ronald Koeman.
Që kur erdhi nga Liverpool në 2014, Suarez fitoi me katalanasit trofe të shumtë, mes të cilëve Champions League 2015 e katër tituj të La Liga. Largohet kështu sulmuesi i tretë më i mirë i historisë së klubit që, me 198 gola, është vetëm pas Cesar Rodriguez (232) e Lionel Messi (634).
Dalja e 33 vjecarit nga Camp Nou vjen ndërsa Koeman tenton të rimodelojë Barcelonën. Përvec Suarez, hollandezi ‘ftoi’ të largohej edhe Arturo Vidal e Ivan Rakitic, përvec mbrojtësit francez Samuel Umtiti.
“SHUMË GJËRA U SHPIKËN PËR MUA”
Është një Luis Suarez i emocionuar e i prekur ai që ka folur në ditën e lamtumirës së tij zyrtare nga Barcellona, para se të transferohej në Madrid. “Të luash në Barcelonë është një ëndërr, një ëndërr që e realizova. Ditën kur mbërrita nuk e kisha imagjinuar kurrë. Jam krenar për atë që kam bërë e i lumtur për këto 6 vjet spektakolarë. Do ti jem gjithnjë mirënjohës klubit për mënyrën si më ka trajtuar. Falenderoj familjen time që më ka mbështetur gjithnjë, po largohet një njeri me ndjenja të thella. Do të keni gjithnjë një tifoz, kudo të jem”, ka thënë Suarez. “Ishte një muaj i cmendur. Shumë gjëra u shpikën për mua. Gjëra që të indinjojnë. Të gjithë e dinë raportin që kam me Leon, në kohën kur ishim bashkë u munduam të luanim në maksimum”, përfundoi uruguajani.
https://www.youtube.com/watch?v=QBL2M5bpVEc