Tre herë kampioni i Wimbledon Boris Becker ka mohuar se ka fshehur pasurinë, mes të cilave një apartament në Chelsea e 1,2 milionë stërlina në cash, ndaj kontrollorëve të falimentimit, në një procedim gjyqësor që mund t’i kushtojë deri në 7 vjet burg. Ish-trajneri i Djokoviç deklaroi falimentimin në 2017 për të shmangur detyrimin e shlyerjes së borxheve të tij. “I pafajshëm derisa të provohet e kundërta,” shkroi ai në Tëitter.
Becker ka mohuar të 19 akuzat për fshehje të pretenduar të pasurisë. Sipas akuzës, trajneri 52-vjeçar zotëronte një apartament në Coleherne Court, në lagjen Chelsea të Londrës, si dhe dy prona në Gjermani, të cilat nuk u deklaruan midis qershorit dhe tetorit 2017. Ai gjithashtu pretendohet se fshehu një borxh me vlerë 754,190 stërlina e një llogari bankare me 1,2 milionë stërlina, plus 75,000 aksione të firmës së inteligjencës artificiale Breaking Data Corp.
Siç raportohet nga ‘Guardian’, ish-kampioni i tenisit u la i lirë me kusht me detyrimin për të jetuar dhe fjetur në pronën e tij në Battersea dhe për të informuar shërbimin e falimentimit, i cili po ndjek çështjen, dy ditë para udhëtimit të planifikuar në Mynih për javën tjetër.
BECKER: “I PAFAJSHËM DERI SA TË PROVOHET E KUNDËRTA”
Me një postim në Twitter, Becker mbron veten nga akuzat: “I pafajshëm derisa të provohet e kundërta! Unë i mohoj akuzat kundër meje dhe do të mbrohem me të gjitha mjetet ligjore! Unë besoj në sistemin ligjor të Mbretërisë së Bashkuar dhe agjentët e tij! Ekipi im do të provojë pafajësinë time në kohën e duhur !!! BB ”
Innocent until proven guilty! Ich bestreite die Anschuldigungen gegen mich und werde mich mit allen rechtlichen Mitteln verteidigen! Ich glaube an das britische Rechtssystem und ihre Vertreter! Mein Team wird meine Unschuld zu gegebener Zeit beweisen!!! BB
— Boris Becker (@TheBorisBecker) September 25, 2020