Gati një muaj nga infektimi, Silvio Berlusconi është ende pozitiv me Covid. Ish-presidenti i Milan, tani numri 1 i Monza, është ndjekur në mënyrë konstante nga profesor Alberto Zangrillo, e kontrollet e fundit të cilave i është nënshtruar kanë evidentuar ende prezencën e virusit.
Berlusconi është larguar nga spitali San Raffaele rreth 10 ditë më parë pas një javë mbikqyrje intensive. Simptomat që ishin shfaqur ishin të lehta, por duke parë moshën e liderit të Forza Italia (në 29 shtator do të mbushë 84 vjec) e patologjitë e tij, u mendua të mos rrezikohej. “Nuk kam simptoma. Ndihem si një luan”, ka thënë Berlusconi në këto orë. Kur u largua nga spitali, kishte pranuar se e pa punën keq. Në këtë pikë është e mundshme që karantina të zgjatet shumë.
Nuk ka festë ditëlindje e do të kalojë ca kohë përpara se ish-presidenti i Milan të mund të kthehet të shfaqet në public për takime zyrtare, politike e jo, përfshirë ndeshjet e Monzës së tij.