Barazimi në Olimpico kundër Romës djeg shumë në kampin e Juventus, jo shumë për rezultatin, sa për përfaqësimin e bërë e idesë se mund të kishte shkuar ndryshe me rikonfirmimin e skuadrës fituese në ndeshjen me Sampdorian. E megjithatë tekniku mundohet të shohë përpara. “Në momentet e vështira del karakteri i një skuadre. Punojmë të përqendruar për ndeshjen e të dielës”, ka shkruar Andrea Pirlo në profilin e tij Tëitter duke dhënë sinjalin e sulmit për bardhezinjtë për impenjimin e ardhshëm, duke treguar edhe rrugën që duhet ndjekur.
Koncept që është ndarë nga i gjithë grupi i lojtarëve bardhezinj, e sidomos liderve të dhomave të zhveshjes. “Nuk është rezultati që donim, por me këtë shpirt kolektiv do jemi gjithnjë e më të fortë”, ka shkruar Ronaldo duke komentuar ndeshjen në Romë. “Të aftë që nuk hoqëm dorë e rikuperuam ndeshjen”, ishte mesazhi i Chiellini mejëherë pas barazimit në Olimpico, ndërsa Buffon ka shtuar: “Të bashkuar në momentet e vështirësisë. Kështu reagon një grup i madh”.
E megjithatë, mbi teknikun e ri të Juves rëndojnë zgjedhjet e bëra. Vendimi për të hedhur në fushë nga minuta e parë Morata, që kishte vetëm dy ditë në skuadër e duke spostuar në krah Kulusevskin, që nuk arriti kurrë të kalonte një kundër një, se gjente gjithnjë dy kundërshtarë e duke qenë larg portës nuk u bë kurrë i rrezikshëm. Në anën tjetër, spostimi në të majtë, në vend të Frabotta që bëri mirë ndeshjen e parë, i Cuadrado dhe preferenca për të lënë për herë të dytë jashtë Arthur, që me hyrjen në fushë bëri diferencën.
Nei momenti difficili esce fuori il carattere di una squadra. Lavoriamo concentrati in vista di domenica. @juventusfc #RomaJuve pic.twitter.com/xh3IqnC8AU
— Andrea Pirlo (@Pirlo_official) September 28, 2020