• |
ide | kryesore

21 vite burg për 613 kg drogë në banane, Arbër Çekaj ankimon vendimin

-Instant, Arkiva, Lajme, Të fundit



Pasi gjykata e dënoi me 21 vite burg pasi akuzohet për trafik ndërkombëtar droge, Arbër Çekaj, pronari i kompanisë ‘Arbi Garden’ ka ankimuar vendimin e dhënë.

Përmes një kërkese, Çekaj i ka kërkuar gjykatës së Posaçme të Apelit për Korrupsionin dhe Krimin e Organizuar, rishikim të vendimit në fjalë, pasi pretendon pafajësi.

Më 15 shtator, para se të jepej vendimi, Çekaj mohoi edhe njëherë përfshirjen e tij në ngjarjen e 2018, kur brenda një konteineri bananesh u gjetën 613 kg kokainë të ardhura nga Kolumbia, që kaloi nga Italia, në Portin e Durrësit dhe më pas në magazinën e tij.

Ndonëse Çekaj u dënua me 21 vite burg, ai përfitoi ulje nga gjykimi i shkurtuar, ndërsa do të vuaj një dënim prej 14 vitesh burgim.

Ndërkohë Donald Lushaj, administratori i ‘Arbi Garden’ u dënua me 16 vite, teksa iu shkurtua në 10 vite e 8 muaj. Për shoferin e kamionit që çoi konteinerin në magazinën e tij, Armando Pezaku, u dha dënimi me 13 vite burgim, ndërsa iu ul në 8 vite e 8 muaj.

Ata u dënuan për pjesëmarrje në grup të strukturuar kriminal dhe trafik ndërkombëtar narkotikësh në bashkëpunim. Avokati Maks Haxhia pas seancës deklaroi se nuk pati asnjë provë dhe Çekaj është i pafajshëm për akuzat që i janë ngritur teksa e cilësoi procesin gjyqësor si komik.



3 Comments

  1. Kush erdhi në vendin e atyre që ikën: shumë prej tyre të njohur për mediokritet politik dhe qytetar, për afera financiare, njëlloj të pasur si të dëbuarit dhe po aq lakmitarë dhe të paide si ata. Nëse Basha mendon se mund të ngjallë besim e shpresë me Ballinjtë, Bardhët, Gjatat, Alibeajt, budallallëqet e Spahijve që djegin shkolla dhe nuk e kanë veshur një ditë bluzën e bardhë, shefat e Lazaratit, manjakët pushtetarë të lësëisë dhe vasilët e pamençur, Salianjët, Nard Ndokët e Dulet, aferat babale apo recitimet e Dumes – Shkaut, atëherë ai nuk ka mësuar asgjë nga tetë vitet në opozitë dhe do të ishte mirë të vazhdonte të qëndronte edhe më tej.

    Nëse ai nuk e ka mësuar se jo bojkoti, por pjesëmarrja; jo largimi, por prania; jo sharja, por mendimi; jo metingashët, por të mënçurit; jo të korruptuarit, por të ndershmit të sjellin në pushtet – ende asgjë nuk ka mësuar. Nëse ai nuk e di se shembulltyra është sprova e një lideri, ai nuk do të blinte në harkun e një viti 4 vila luksoze, ndërsa flet për varfërinë, atëherë do të bënte mirë t’i jepte lamtumirën politikës dhe të kthehej në zanatin e tij. EULEX-i dhe Gjykata Speciale ka ende nevojë për përkthyes dhe hetues!!!!

  2. Ça kërkon ky në apel.I hyri atij bisnesi tani të rijë rehat në burg.Me aq kg kokainë nuk e shef mo dritën e diellit në Amerikë.Hajde se i ri je , kalojnë shpejt 21 vjet.Pastaj e ke siguru familjen.

  3. 21 vjet burg!! Po ky sikur ishte shoku ngushte i Edi Rams.

    Ska faj Rama qe tall kart me kadrinjte e me media kazan.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *