Aktorja , Jennifer Aniston, ka rrëfyer së fundmi se ka menduar të heqë dorë nga aktrimi .
Gjatë një podcasti me Jason Bateman, Jennifer u shpreh se një film ku kishte marrë pjesë e kishte bërë ta mendonte këtë gjë. “Të tërhiqem? Po më ka shkuar në mend para dy vitesh, por s`e kisha menduar kurrë më parë”, u shpreh aktorja. Jennifer shton se kjo ka ndodhur para “The morning show”. “Ishte një punë që e çova deri në fund dhe thashë uau, më mori gjithë jetën ky projekt. Dhe se di a është kjo ajo që dua”, tha Jennifer. Aktorja nuk e përmendi se cili projekt , por para “The morning show”, ajo ka xhiruar në 2018 “Dumplin” dhe “Murder Mysery” në 2019.