Opozita parlamentare bojkoton mbledhjen: Mazhoranca nuk ka vullnet për reformën zgjedhore

Opozita parlamentare ka bojkotuar mbledhjen e Komisionit të Ligjeve, mëngjesin e sotëm, në të cilin po diskutohej nen për nen projektligji për Kodin Zgjedhor. Në një deklaratë, ata thonë se në komision nuk ka vullnet pozitiv nga ana e mazhorancës për të realizuar reformën zgjedhore.

Deputetja Rudina Hajdari ftoi kolegët e saj që të bojkotonin tryezën. Sipas Hajdarit, tryeza u braktis për shkak se mazhoranca nuk ka vullnet pozitiv për të realizuar një reformë, që të gëzojë mbështetjen e shumicës së shqiptarëve. Ajo tha se opozita nuk do të bëhet pjesë e kësaj loje të shëmtuar.

“Vendosem ta bojkotojme seancen e sotme sepse nuk shohim vullnet pozitiv nga maxhoranca per te realizuar ate reforme madhore per te cilën gezojmë sot mbeshtetjen e shumices se shqiptareve, pra hapjen reale dhe 100% te listave. Nese maxhoranca do te vazhdoje ne kete rruge, duke ardhur me drafte te cilat nuk synojne hapjen e listave por mashtrimin e shqiptareve, ne nuk do te behemi pjese e kesaj loje te shemtuar, le ta bejne vete. E di qe shume qytetare ndoshta edhe jane lodhur nga ky debat, dhe ky ndoshta eshte edhe qellimi i kastes se vjeter politike, ti lodhe qytetaret tej mase e me pas te bejne ate qe kane bere gjithnje, te genjejne, por kjo qe po bejme eshte shume e rendesishme jo per sot, por per 30 vitet e ardhshme. Na duhet qe ketij vendi ti rikthejme demokracine si nje mjet per te rritur mireqenien dhe zhvilluar ekonomine. Ne nuk dorëzohemi”, -tha Hajdari.