• |
ide | kryesore

Teuta, nota 10 e merkatos: me Bregun për titull, por sa lëvizje të studiuara

-Instant, Sport



Lëvizjet në merkato të Teutës, ndonëse qetë e pa zhurmë, por gjithnjë në funksion të një objektivi të qartë, po formonin në mënyrë graduale një mozaik që kishte në majën e saj, emrin më të rëndësishëm të transfertave të kësaj vere, ose edhe vjeshte duke parë kohëzgjatjen e dritares. Dejvi Bregu vishet me fanellën e kaltër të Teutës dhe është një detaj që shpall hapur kandidaturën e durrsakëve për titullin kampion. Bregu është lojtari që mund të bëjë diferencën, bashkë me 10 lojtarët e tjerë që kanë mbërritur në Niko Dovana në merkato.

AFRIME
Dejvi Bregu            Sulmues
Silvio Zogaj            Sulmues
Aldrit Oshafi          Sulmues
Blerim Krasniqi     Sulmues
Iran Gonçalves      Mesfushor
Asion Daja              Mesfushor
Vasil Petani            Portier
Erando Karabeci   Mesfushor
Denis Pjeshka        Mbrojtës
Brendon Smajlin   Mbrojtës
Ledjon Xhymertin Mesfushor

Nëse vlonjati, me teknikë fine e goditje precize mbush boshllëkun e lënë nga ikja e Kallakut, Krasniqi, po nga Skënderbeu, i jep sulmit goleadorin e munguar e po ti shtosh këtu, talentin e Kapllanit, Hebajn, në sezonin e dytë e Oshafin e Zogajn të sapoardhur, Martini ka në dorë një skuadër plot alternativa ku tekniku nuk ka më frikë të kthejë kokën nga pankina. Jo tani, skuadra fituese e Kupës e Superkupës, ajo që mundur kampionët në fuqi në të dy rastet nuk mund të fshihet më. E kupton qartë në bilancin e shpejtë, ku të larguar janë vetëm 6, por edhe sepse në mesfushë kanë ardhur njerëz të eksperiencës si Karabeci e Daja, një lojtar krejtësisht për tu zbuluar si Goncalves, një siguri si Pjeshka e të rinj premtues.

LARGIME
Sherif Kallaku        Mesfushor
Xhonatan Lajthia  Mesfushor
Arlind Kalaja          Mesfushor
Arbër Çyrbja           Mesfushor
Idé Colubali            Sulmues
Kenan Hreljic         Mbrojtës

Tekniku shkodran ka formuar ekipin e tij e nuk ka humbur absolutisht asnjë lojtar, që e kishte konsideruar të rëndësishëm për skemën e tij apo ekipin. Tani, Teuta mund të matet lehtësisht me të gjithë rivalët e tjerë për titull, se për merkaton, të paktën në letër i ka kaluar…



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *