• |
ide | kryesore

Kundërshtoi me dhunë efektivin, arrestohet i riu në Tiranë

Lajme, Të fundit

Një i ri ka rënë në prangat e policisë, pasi akuzohet se ka kundërshtuar me dhunë punonjësin e Policisë, dhe më pas pasi e ka goditur është larguar nga vendngjarja.

Burime zyrtare bënë me dije se shtetasi me inicialet A. G., 27 vjeç u kap pas disa minutash ndjekjeje nga forca e posaçme “Shqiponjat”.


“Në pikën e kontrollit të ngritur nga ana e “Shqiponjave” dhe “Shigjetave”, në vendin e quajtur “Ish-Fusha e Aviacionit” i është bërë shenjë ndalimi mjetit tip “BMW”, drejtuesi i të cilit nuk i është bindur urdhrit të punonjësit të Policisë dhe është larguar me shpejtësi, duke goditur me mjet punonjësin e Policisë, i cili ka marrë dëmtime të lehta dhe ndodhet jashtë rrezikut për jetën.

Pas disa minuta ndjekjeje, “Shqiponjat” kanë kapur dhe prangosur shtetasin A. G., 27 vjeç, banues në Tiranë. Ky shtetas është shoqëruar në Komisariatin e Policisë Nr. 2 dhe nga verifikimi i kryer ka rezultuar se drejtonte mjetin pa lejen përkatëse.

Në përfundim të veprimeve, specialistët për Hetimin e Krimit në Komisariatin e Policisë Nr. 2 bënë arrestimin në flagrancë të shtetasit A. G., për veprat penale “Mosbindje e punonjësit të policisë”, “Kundërshtim i punonjësit të policisë me dhunë” dhe “Drejtim mjeti në mënyrë të parregullt” dhe materialet procedurale iu dërguan Prokurorisë pranë Gjykatës së Shkallës së Parë të Rrethit Gjyqësor Tiranë, për veprime të mëtejshme.”, thuhet në njoftimin e policisë.

Lini një Përgjigje

Adresa juaj email s’do të bëhet publike.

Kthehu