Kryeministri Edi Rama mori sot një letër nga Presidenti i Shteteve të Bashkuara të Amerikës, Donald Trump. Ndër të tjera në letër, z.Trump përmend ndikimin negativ sipas tij të Kinës në botë dhe vlerëson “lidershipin e Shqipërisë në rajonin e Ballkanit dhe nëpër Europë, për ekspozimin e ndikimit malinj të Kinës, abuzimet me të drejtat e njeriut dhe praktikat grabitqare të huazimit”.
Trump vlerëson mbështetja e hapur të qeverisë shqiptare për rrjetet e sigurta të telekomunikacionit dhe thotë se ky vend po jep një shembull të fortë. Presidenti paralajmëron se Shtetet e Bashkuara dhe Shqipëria pritet të nënshkruajnë së shpejti një Memorandum Mirëkuptimi mbi sigurinë 5G, i cili hap rrugën që edhe vendet e tjera në Ballkan të bëjnë të njëjtën gjë.
“Letra e Trump vjen pak kohë pasi ONE Telecommunication u bë kompania e parë nga Shqipëria dhe rajoni që iu bashkua dhe u angazhua në iniciativën e rrjeteve të pastra.
Si pjesë e kësaj iniciative, ONE Telecommunications angazhohet të mos përdorë pajisje transmetuese, kontrolli, kompjuterike apo ruajtjeje nga kompani të pasigurta teknologjikisht.
Një investim rrënjësor prej 92 milionë euro po modernizon rrjetin e kësaj kompanie dhe për këtë është zgjedhur gjiganti botëror i teknologjisë Ericsson. Në fund të procesit, qytetarët shqiptarë do të komunikojnë sipas standardeve ndërkombëtare të sigurisë” – thuhet në njoftimin e ONE Telecommunications. ©LAPSI.al.
Ouu?! shiko shiko. Qekur shqipria streha e gjith maskarenjve qenka bete mbeshtetese e linjave te pastra keshtu. Pastertorja madhe shqiperi zeza jon. U medet.. u neveri.
neveri per ke?