Dy viktima dhe 41 raste të reja është balanci i të prekurve me koronavirus në Kosovë. Ministria e shëndetësisë së Kosovës ka përditësuar të dhënat duke konfirmuar gjithashtu se 73 pacientë janë shëruar.
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private, janë testuar gjithsej 654 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 41 raste pozitive. Dy rastet e vdekjes janë një nga spitali i Gjilanit dhe 1 rast nga spitali i Prizrenit. Numri total i rasteve pozitive është 15.855 raste ndërsa shënohen 632 viktima.