• |
ide | kryesore

Donald Trump dhe infektimi me Covid-19, gjithçka që dimë

-Instant, Arkiva, F1, Planet

I infektuar me Covid-19, Presidenti amerikan Donald Trump bëri një dalje të papritur jashtë spitalit, ku përshëndeti mbështetësit e tij të vendosur jashtë, mes sinjalizimesh të përziera për gjendjen e shëndetit të tij.


-Ekipi mjekësor i Shtëpisë së Bardhë tha se Donald Trump “ka vazhduar të përmirësohet” që nga e shtuna dhe mund të dalë nga spitali që të hënën. Ekipi konfirmoi se presidenti kishte ulur nivelet e oksigjenimit në një moment. Ekipi mjekësor refuzoi ti përgjigjej pyetjes nëse presidenti ka pësuar dëmtime në mushkëri.


-Trump bëri një paraqitje të improvizuar jashtë spitalit të dielën pasdite, duke përshëndetur me dorë nga brenda një fuoristrade një turmë mbështetësish që u mblodhën jashtë spitalit. Shqetësime u ngritën për personat e tjerë që ishin në makinë me Trump, i cili kishte veshur maskë.

-Një mjek i pranishëm në Qendrën Mjekësore ‘Ualter Reed’, ku po qëndron Trump, dënoi daljen e Trump, duke e quajtur atë “çmenduri“. Dr James Phillips, një mjek i urgjencës në ‘Ualter Reed’, shkroi në Tëitter: “Çdo person në automjet gjatë asaj xhiroje krejtësisht të panevojshme të Presidentit tani duhet të karantimohet për 14 ditë. Ata mund të sëmuren. Ata mund të vdesin. Për teatër politik, të komanduar nga Trump, duke vënë jetën e tyre në rrezik për teatrin. Kjo është çmenduri ”. Në një cicërimë të dytë Phillips tha, “papërgjegjësia është befasuese”. 

(Trump duke përshëndetur mbështetësit jashtë spitalit në xhiron e djeshme kontroverse.) 

-NBC raportoi se Melania Trump nuk do të linte vendbanimin e saj për të vizituar të shoqin sepse kjo do të vinte në rrezik agjentët dhe stafin. Një zyrtar i Shtëpisë së Bardhë i tha televizionit NBC se Melania nuk do të largohej nga Shtëpia e Bardhë sepse “Kjo do të zbulonte ndaj virusit agjentët që do ta çonin atje dhe stafin mjekësor që do ta çonin deri tek ai.” 

-Një sondazh i Reuters/Ipsos tregoi se një shumicë 65% e amerikanëve besojnë se Trump nuk do të ishte infektuar me virusin nëse do ta merrte atë më seriozisht. Një sondazh tjetër tregoi epërsinë më të madhe në muajin e fundit për Joe Biden ndaj Trump. Sondazhi, i bërë të premten dhe të shtunën, tregoi se Biden ka një epërsi prej 10 pikësh.

-Joe Biden doli negativ për Covid-19. Testi i dytë i Biden, që kur u bë publik lajmi se Donald Trump ishte infektuar me Covid-19, doli negativ. Fushata e Biden tha të dielën në mbrëmje se do të lëshonte rezultatin e çdo testi Covid-19 që kandidati bën në të ardhmen.

(Kandidati demokrat për President, ish-zv.Presidenti Joe Biden dhe Presidenti garues për një mandat të dytë, Donald Trump.) 

-Wall Street Journal raporton se Trump kishte një rezultat pozitiv për Covid-19 të enjten dhe nuk e bëri të ditur atë. Atë natë, Trump i tha Fox News se ai ishte duke pritur për rezultatet e testit. Më vonë atë natë shkroi në Tëitter se kishte virusin.

-Zyrtarët e shëndetit shtetëror në Neë Jersey kanë kontaktuar më shumë se 200 njerëz që morën pjesë në një mbledhje fondesh në fushatën e ‘Golf Course Trump’ në Bedminster të Enjten, orë para se presidenti të njoftonte se kishte Covid-19. Zyrtarët e qarkut Somerset po kontaktojnë punonjësit që kanë punuar për ngjarjen, shumica e të cilëve jetojnë në qark.

-Shtëpia e Bardhë refuzon të lëshojë numrin e zyrtarëve me Covid-19.
Kayleigh McEnany, sekretarja e shtypite të Shtëpisë së Bardhë, refuzoi të tregonte për publikun se sa zyrtarë të Shtëpisë së Bardhë kanë rezultuar pozitivë për Covid-19 kur u pyet nga gazetarët në një konferencë shtypi.

-Një raport nga ëashington Post tha se Sean Conley, mjeku i Shtëpisë së Bardhë, u tha bashkëpunëtorëve në pranverë se ai po ndjente stres të madh personal në punën e tij aktuale – para se presidenti të infektohej me Covid-19. Conley, një komandant 40-vjeçar i Marinës amerikane, u bashkua me stafin mjekësor të Shtëpisë së Bardhë në dhjetor të vitit 2016 pasi shërbeu si mjek urgjence i Marinës dhe shërbeu në një njësi traume në Afganistan. Raportohet se ata që kanë punuar me Conley besojnë se deklaratat publike që ai ka dhënë duket se diktohen nga politika. “Çdo deklaratë që ai po jep duket të jetë politike, diktuar nga Shtëpia e Bardhë ose presidenti”, tha një burim anonim që ka punuar me Conley.

(Mjeku i Trump, Sean Conley, në një konferencë për mediat.) 

-Shtëpia e Bardhë lëshon foton e Trump në një konferencë me shefin e tij të stafit të pranishëm në dhomë. Shtëpia e Bardhë ka lëshuar një fotografi të Trump brenda ‘Ualter Reed’, ku duket se ai po merr pjesë në një thirrje konference me zv.Presidentin, sekretarin e shtetit dhe kryetarin e shefave të përbashkët të shtabit. Shefi i stafit të Shtëpisë së Bardhë Mark Meadoës ishte fizikisht i pranishëm në dhomë, pavarësisht udhëzimeve të autoritet anti-infektiv amerikan, CDC, që thotë se individët që kanë Covid-19 duhet të “qëndrojnë në shtëpi dhe larg njerëzve të tjerë”. 

(Trump dhe shefi i tij i stafit, Mark Meadows.) 

Mbesa e Presidentit, Mary Trump ka thënë se SHBA është në gjendjen (e keqe) që është, sepse anëtarët e familjes së saj, duke përfshirë presidentin, e shohin sëmundjen si “një shfaqje dobësie që nuk falet”, qoftë kjo tek vetja apo për të tjerët. Mary Trump, e cila kohët e fundit botoi një libër kundër Donald Trump tha: “Kjo është arsyeja pse ne jemi në gjendjen në të cilën jemi, sepse ai (Donald Trump) nuk mund ta pranojë dobësinë e të qenit i sëmurë, apo të njerëzve të tjerë për të qenë të sëmurë. ” 

Përshtatur nga The Guardian, ©LAPSI.AL 

Lini një Përgjigje

Adresa juaj email s’do të bëhet publike.

Kthehu