Tre ndeshje të luajtura, dy si rezervë e një si titullar kundër Fiorentinës për Eriksen, danezi që mbërriti në janar për 20 milionë euro e u prezantua në Scala në stil klasik, si një drejtor orkestre të topit. E megjithatë tek Inter e konsiderojnë një investim. Shoqëria beson tek ai dhe treguesi është sjellja ndaj tre ofertave të mbërritura për mesfushorin në javët e fundit të merkatos: Psg, Atletico Madrid e Hertha Berlin, të gjithë huazime deri në fund të vitit. “Jo faleminderit”. Zhang e lojtari janë përgjigjur kështu, sepse Eriksen kërkon ti luajë shanset në Milano.
Fusha flet qartë: këtë vit Conte e ka rreshtuar titullar vetëm një herë, vitin e kaluar 11 në 26 ndeshje. Eriksen, pavarësisht 4 golave e 3 asist, nuk ka arritur të bindë trajnerin, të paktën 100%. Përkundrazi, shoqëria beson tek ai e i ka thënë jo tre propozimeve. Eriksen është një investim i madh, ekonomik e teknik, ka qenë një prej mesfushorëve më të mirë të Premier për 7 vjet, por Antonio e sheh pak, edhe si organizator, roli i tij natyral. Merkato ka sjellë Vidal, në dy ndeshjet e fundit ka luajtur ai, por danezi do të provojë të tregojë se mund të bëjë diferencën në Serie A, ashtu si ka bërë në Premier me Spurs.