Tani Edinson Cavani është kthyer të buzëqeshë pas firmës me Manchester United, por muajt e fundit kanë qenë shumë të vështirë për uruguajanin. E ka zbuluar vetë ish-sulmuesi i PSG: “U infektova me Covid e mendova të tërhiqem”. 33 vjecari ka rrëfyer më pas eksperiencën e tij të keqe me virusin: “Pasi u kthyeva nga pushimet në Spanjë, e dashura ime e unë bëmë testin që rezultoi negativ, pastaj u detyruam të bënim një tjetër sepse ajo filloi të shfaqte simptoma e rezultoi pozitiv”.
Cavani është akoma shumë i shqetësuar si ka thënë për emitentin radiofonik argjentinas ‘Dos de punta’: “E vërteta është se u trembëm shumë. Falë Zotit jemi mirë. Përpara futbollit, vinte shëndeti i familjes. Mendova të resht së luajturi, duke pritur që e gjithë kjo të kalonte. E gjithë ajo që po ndodh në botë të bën keq e nxit shumë paqartësi, sepse askush nuk e di cila do të jetë zgjidhja”.
? 7️⃣@ECavaniOfficial will become the latest Red to don our number seven shirt ?#MUFC
— Manchester United (@ManUtd) October 6, 2020