Kosova vijon të ruajë një kurbë të ulët të të infektuarve nga koronavirusi. Gjatë 24 orëve të fundit në Kosovë nuk është regjistruar asnjë viktimë. Lajmi është bërë i ditur nga ministri i Shëndetësisë, Armend Zemaj.
Në një postim në Facebook, ministri ka njoftuar se 33 persona kanë rezultuar pozitivë me Covid-19 nga 711 testime të kryera. 46 qytetarë e kanë fituar betejën me virusin COVID-19, ndërsa numri i të shëruarve vijon të jetë më i lartë se ai i të prekurve prej ditësh.