Pas kaskës së Ayrton Senna, Lewis Hamilton ka marrë si dhuratë edhe atë të Michael Schumacher pasi i barazoi rekordin e numrit të fitoreve, 91, në Formula 1. Dukshëm i emocionuar, anglezi që e ka marrë dhuratën nga Mick, i biri i kampionit gjerman: “Eshtë e pabesueshme, nuk do ta imagjinoja kurrë gjithë këtë. Më kujtohet se i vogël përdorja Schumin në Playstation”.
“Duke ndjekur në tv dominimin e Michael për kaq kohë, besoj askush, unë gjithashtu, nuk do ta kishte menduar se do ti afrohej rekordeve të tij”. Këto janë fjalët e para të Leëis Hamilton pas fitores në Nurburgring që i lejoi të barazonte sukseset e gjermanit. “Eshtë një nder i pabesueshëm. E kuptova që kisha të njëjtin numër fitoresh vetëm kur kalova pit lane”, ka shtuar britaniku. Një fitore që e lancon fort edhe drejt titullit kampion të shtatë Botëror, tjetër rekord që deri tani i përket ish-ferraristit.