Kampion bote. Robin Krasniqi bokson për Gjermaninë, por është shqiptar dhe nuk e ka fshehur kurrë. Në mbrëmjen e djeshme, Krasniqi bën arritjen historike, duke u bërë shqiptari i parë kampion bote në ring. I mjaftuan vetëm tre raunde atij, për të nxjerrë KO kampionin në fuqi gjermanin Dominic Bosel, për të rrëmbyer titullin kampion bote në kategorinë WBA në peshën e mesme.
U kuptua menjëherë supremacia e Krasniqit në ring, kur dominoi të dy raundet e para, me Bosel që më shumë mendonte të mbante larg sfidantin. Krasniqi goditi fort në tre raste, por goditjen fatale e dha në raundin e tretë, kur Bosel nuk arriti të ngrihej para numërimit të arbitrit.
Krasniqi bëhet shqiptari i parë kampioni i parë i botës. Ai do të mbajë titujt në IBO dhe WBA. Në karrierë, boksieri regjistron 51 fitore dhe 6 humbje, prej tyre 19 me nokaut. Bosel para këtij takimi kishte 30 fitore dhe vetëm një humbje, duke e pësuar tani të dytën në karrierë.
Haxhi Robin Krasniqi est le premier champion du monde albanais. Il a atteint cet objectif ce soir en Allemagne. ????
Il vient de ko le boxeur allemand Dominic Boesel au troisième round et est devenu champion du monde dans WBA et IBO. pic.twitter.com/3bsZBmlHe9
— Nisiiiiii ? (@arniisii) October 10, 2020