Kur kujtohesh që telefoni nuk ka bateri, e vë në karikim gjatë natës dhe kur zgjohesh është i mbushur. Është diçka që të ndodh zakonisht apo jo? Çdo natë bën të njëjtin plan – telefonin gjatë gjithë natës në prizë. Por a është kjo një mënyrë e gabuar që dëmton baterinë e telefonit apo është thjeshtë një supozim i disa njerëzve? A i bën keq telefonit të rrijë në karikim edhe kur bateria është plotësisht e mbushur? Mund të ketë dëme?
Sipas “New York Times”, përgjigjja është PO. Pra, nëse telefoni vazhdon të rrijë në karikim edhe pasi bateria është mbushur, dëmton baterinë. Dhe nuk ka rëndësi nëse je një njeri që e ndryshon telefonin çdo 2 vjet.
Çfarë ndodh?
Telefonat Smart kanë të instaluar një bateri “të zgjuar”, që e di vetë se kur duhet ngarkuar, kështu që, pas momentit të ngarkimit nuk është më e nevojshme që bateria të rrijë e nxehtë. Po ashtu, telefonat Smart kanë një teknologji të tillë që përshpejton procesin e ngarkimit të baterisë.
Kompania Apple tregon se temperatura mbi 35 gradë celsius, mund “të dëmtojë kapacitetin e baterisë”, ndaj sa më shpejt ta heqësh nga karikimi, aq më mirë është.
Nëse do që telefoni të zgjasë më shumë se dy vjet, provo këtë truk, sugjeron Times: mbaje gjithmonë në telefon opsionin “fast charging”, duke përdorur edhe një ushqyes të fuqishëm.
Para se ta publikoni referojuni edhe faqeve te prodhuesve te telefonave, sepse ata thone krejt te kunderten e kesaj. Qarku i karikimit e stakin karikimin automatikisht kur mbushet bateria dhe nuk bateria nuk nxehet me pas ketij veprimi. Kete mund tju konfirmojme edhe ne inxhinieret Shqiptare.