I prekur nga Covid, drejtori i policisë kufitare në Gjirokastër niset me urgjencë drejt Turqisë

Covid-19 po përkeqëson gjendjen dita-ditës në vendin tonë. Pasi rezultoi pozitiv Drejtori i Policisë kufitare të Gjirokastrës, Arben Joco, gjendja e tij shëndetsore u rëndua. Ai është nisur me urgjencë për trajtim në Turqi. Joco mësohet se prej ditësh kurohej, derisa humbi ndjenjat dhe për pasojë është nisur një ditë më parë për kujdes shëndetësor më të specializuar drejt Spitalit Infektiv të Tiranës, nga ku ka kaluar në terapi intensive. Gjendja e rënduar shëndetësore ka detyruar autoritetet e Policisë së Shtetit ta nisin kreun e Drejtorisë Kufitare të Gjirokastrës në klinikën e Ozonografisë në Stamboll.