Reshjet e dendura të shiut, probleme në Durrës, Fier e Vlorë

Reshjet e dendura të shiut që vazhdojnë prej orësh sot, kanë rënduar situatën në rrugët e Durrësit. Në shumë akse, qarkullimi i automjeteve dhe këmbësorëve është thuajse i pamundur, pasi uji ka kaluar edhe nivelin e trotuareve. Në zona të caktuara, si lagjja nr. 18, lagjja nr.1, aksi “Pavarësia”, rruga “Egnatia”, zona e Shkozetit etj, niveli i ujit në rrugë po rrezikon edhe bizneset. Moti i keq ka përfshirë të gjithë vendin, ndërsa ka shkaktuar probleme edhe në Fier, ndërsa në Vlorë bashkia u ka kërkuar qytetarëve që të bëjnë kujdes.