Një javë distancë nga fundi i merkatos e pas mungesës së lamtumirës së tij nga Napoli, ka thyer heshtjen Arkadiusz Milik: “Klubi donte të rinovonte kontratën me mua për 5 vjet të tjerë – ka thënë ai në një intervistë për portalin polak Sportaëe Fakty – Më lanë të zgjidhja: të firmosja, ose të ikja e unë vendosa se më pëlqente të provoja dicka të re në një klub të ri. Menaxheri im kërkoi një zgjidhje. Ishte interesi nga disa skuadra e pati edhe bisedime. Nuk dua të jap detaje ose emra, por deri kur transferimi të ndodhë, është i nevojshëm një akord me lojtarin e mes dy skuadrave. Ishte aprovimi im, por klubet nuk ranë dakord e në fund qendrova”.
Milik ka konfirmuar, kështu si kishte bërë të ditur në atë kohë Roma, se ka kryer vizitat mjekësore për verdhekuqtë, nga të cilët nuk kishin dalë probleme fizike të asnjë lloji. Por pastaj në dialogun mes shoqërive dicka shkoi keq. Sulmuesi ka dashur pastaj të nënvizojë se nuk ka qenë kurrë cështje parash: “Nëse e ardhmja ime do ishte e lidhur me cështje ekonomike do kisha rinovuar. Mora ofertën me kushte shumë të mira. Por unë dua të rritem, të jem një futbollist më i mirë e besoj se ky është momenti i duhur për të provuar një sfidë të re”.
Polaku është shprehur i hidhëruar për trajtimin e marrë: “Nuk ka patur kurrë pengesë nga ana ime për Napolin, doja të zgjidhja gjithcka profesionalisht. Kam shumë respekt për shoqërinë, këtu kam kaluar vite të mrekullueshëm. Doja të ndahesha në harmoni. Nuk mund të fajësosh një lojtar se nuk u largua, në momentin që nuk ishte faji im. Mos përfshirja në listë? E prisja dicka të tillë, por e mësova nga media e mungesa e komunikimit nuk ishte profesionale. Besoj se nuk jam trajtuar mirë. Ka edhe lojtarë të tjerë në klub që nuk kanë rinovuar kontratat e për ta është situatë e qetë. Kam qenë golashënuesi i ekipit në dy sezonet e fundit, duke dhënë gjithnjë maksimumin. Do vuaj, por do rezistoj”.