• |
ide | kryesore

PD – Ramës: Ke ngritur borxhin publik në 97%, si është e vërteta e investimeve

-Instant, Arkiva, Lajme, Të fundit

97% është borxhi i vërtetë publik i Shqipërisë, përfshi detyrimet e prapambetura dhe PPP-të. Ky është reagimi i shpejtë që erdhi nga radhët e Partisë Demokratike mëngjesin e sotëm, në përgjigje të pretendimit të Edi Ramës, se borxhi publik në raport me investimet në periudhën e qeverisë Berisha është shumë më i madh se në qeverisjen rilindase. Sipas Ramës, gjatë drejtimit të tij, për më pak borxh publik janë bërë më shumë investime se në vitet 2006-2013.


Nga opozita u përgjigj Dorian Teliti, që me një status në Facebook shpjegon se në vitet 2006-2013 borxhi publik u rrit me vetem 10% të Prodhimit të Brendshëm Bruto të vendit (përfshirë detyrimet e prapambetura), por u kryen dhjetëra investime, përfshirë këtu rrugën e kombit. “2006-2013 ulëm taksat dhe rritëm pagat e pensionet.” – thekson Teliti në reagimin e tij në Facebook.


Eksperti i ekonomisë së PD-së shpjegon edhe rritjen e borxhit gjatë qeverisë Rama, duke akuzuar ashpër këtë të fundit për shpenzime luksi e braktisje të ekonomisë. Në grafikun që nxjerr ai, borxhi publik i llogaritur me shpenizmet e prapambetura shkon plot 97%, një shifër jashtëzakonisht e lartë, edhe kur e krahason me 68%-shin e 2013-s.

“Ndërsa 2014-2020, borxhi u rrit me 29% të PBB-së (përfshirë detyrime të prapambetura dhe PPP) dhe i vetmi investim i plotë që keni kryer është bypass Fier prej 22km. Familjet shqiptare sot kanë një borxh 50% më të lartë sesa 7 vite më parë.

Borxhin publik e rritet ju dhe e përdorët për koncesione klienteliste, tendera pa gare, lukse zyrash e udhëtime me charter. Jeni ju që rritet taksat me 2.1 miliardë euro në 7 vite dhe braktisët ekonominë edhe në kohë pandemie.” – theksoi Teliti. ©LAPSI.AL 

Statusi i Ramës dy orë më parë: 

Lini një Përgjigje

Adresa juaj email s’do të bëhet publike.

Kthehu