Policia greke ka zbardhur emrat e shtetasve shqiptarë të arrestuar në Igumenicë me 31 kg marijuanë ndërsa kalonin kufirin greko-shqiptar me çanta me droge. Të arrestuarit janë Alket Hamitaj, 31-vjeç nga Saranda, me precedente të mëparshëm penale në Sarandë, Roland Shahi, 30-vjec dhe Antonio Debrovo, 24-vjec, të dy nga Elbasani.
Tre shqiptarët u kapën pasi kanë udhëtuar rreth 5 orë me këmbë nga kufiri shqiptar duke transportuar lëndën narkotike me peshë totale 31.7 kg. Tre të arrestuarit janë thjesht transportues të drogës në mal, pasi transportin deri në kufi dhe atë nga kufiri për në brendësi të tokës greke do e bënin persona të tjerë.