Këngëtari Enrique Iglesias është shpallur së fundmi artisti më i mirë latin i të gjitha kohërave në Billboard Latin Music Awards 2020.
Lajmi u bë i ditur nga Telemundo dhe Billboard, në pritje të mbrëmjes zyrtare që do të zhvillohet, më 21 tetor në Qendrën BB&T në Sunrise, Florida, transmetuar nga Telemundo.Enrique tejkaloi 19 miliardë transmetime dhe 17 miliardë shikime, koncertet e tij kanë përfshirë mbi 10 milionë njerëz në të gjithë botën, duke fituar 1 miliard dollarë.Këngëtari ka qenë për 31 herë në tabelën Latin Airplay dhe në Top 10 për 40 herë. Iglesias gjithashtu, mban rekordin për 24 këngë në vendin e parë në tabelën Latin Pop Airplay dhe për 43 në 10 më të mirat e Latin Pop Airplay.