Eva Mendes nuk është shfaqur në ekran që nga viti 2014 në “Lost River”, dhe dy vjet para kësaj, ajo nuk ishte shumë e angazhuar në projekte filmike.
Sidoqoftë, pas kësaj pauze artistja tha për ‘The Sunday Morning Herald’ se pas disa vitesh në shtëpi me fëmijët e saj, ajo do të vinte te ideja e kthimit në punë. Aktorja e “Hitch” ndan dy vajza Esmerelda, gjashtë vjeçe dhe Amanda, katër vjeçe, me bashkëshortin Ryan Gosling.
“Unë duartrokas dhe shikoj për ato gra që mund t’i bëjnë të gjitha, por unë nuk jam një prej tyre – dhe fatmirësisht, kam një zgjedhje për të mos punuar dhe e kuptoj sa me fat jam që është edhe një zgjedhje”, tha aktorja.