Trupi i pajetë i një personi është gjetur mesditën e sotme në Tiranë.
Nga informacionet që ka shpërndarë policia deri tani, bëhet fjalë për një person mashkull, ende të paidentifikuar i dyshuar endacak.
Trupi i pajetë është gjetur në rrugën ‘Mine Peza’.
Çfarë thotë policia
Më datë 23.10.2020, rreth orës 13:01, në rrugën ‘Mine Peza’, në një objekt të braktisur është gjetur pa shenja jete një shtetas endacak ende i paidentifikuar.
Grupi hetimor dhe shërbimet e Policisë ndodhen në vendngjarje dhe po punojnë për zbardhjen e rrethanave të ngjarjes, ku nga hetimet paraprake nuk konstatohen shenja dhune.