Aktorja Jennifer Aniston është parë në publik për herë të parë në tetë muaj ndërsa po kryente disa detyra të saj në Beverly Hills.
Ylli i serialit “Friends” u pa nga DailyMail të martën pasdite e veshur me pantallona gri, atlete të bardha dhe pulover. Ajo gjithashtu kishte një maskë për të mbrojtur veten. Hera e fundit që Jennifer u pa për herë të fundit në publik ishte në ditëlindjen e saj të 51-të në shkurt. Sidoqoftë, ajo është shfaqur në takime të ndryshme përmes platformës ‘Zoom’ përgjatë periudhës së izolimit. Jennifer është strehuar në shtëpinë e saj 21 milionë dollarëshe në lagjen ekskluzive të Bel Air në Los Angeles. Rezidenca e saj shtrihet në një zonë të madhe me pamje nga një pishinë e gjatë, në formë drejtkëndëshe. Prona ka shtatë dhoma gjumi dhe 11 banjo. Ajo pranoi vitin e kaluar se ‘humbet kontaktin’ me botën kur është brenda shtëpisë së saj luksoze – dhe nuk është e vështirë të kuptosh pse.
Ajo tha në një intervistë për Glamour Magazine: “Unë e shoh veten duke u izoluar ndonjëherë. Mos më keqkuptoni, më pëlqen të jem në shtëpi. Shtëpia është një hapësirë shumë e rehatshme dhe e sigurt për mua. Por nëse qëndroni në shtëpi për një kohë të gjatë do të izoloheni dhe do të humbni kontaktin me atë që po ndodh në botën reale”.