Shkarkohet nga detyra një drejtues i Gardës. Mësohet se Besim Shabani me funksion Zv/Drejtor në Drejtorinë për Sigurinë Fizike të Personaliteteve të Larta Shqiptare dhe familjarëve të tyre në Gardën e Republikës nuk ka mundur të kalojë vetingun dhe trupa e vlerësimit e Komisionit të Jashtëm të Vlerësimit ka vendosur shkarkimin e tij.
Komisioni arsyetoi se Shabani nuk vërtetonte dot se 20 mijë dollarë për blerjen e një apartamenti 71.3 metra katrorë ia kishte dërguar vëllai. Shabani gjithashtu kishte përfituar disa interesa bankare në vlerën e 1563 dollarë, të cilat s’i ka treguar.
Në lidhje me shtepinë dhe interesat bankare, Shabani deklaroi në seancën dëgjimore se këtë fakt nuk e kishte fshehur, por se nuk kishte ditur se si të plotësontë formularin e deklarimit.