Presidenti Hashim Thaçi, ka deklaruar në kuadër të 75-vjetorit të Organizatës së Kombeve të Bashkuara se është koha që Kosova të bëhet anëtare e saj.
Ai u shpreh në rrjetet sociale se roli i misionit të OKB-së ka qenë tejet i rëndësishëm në Kosovë, si në demokratizimin, ashtu edhe në ndërtimin e institucioneve.
“Sot shënohet Dita e OKB-së. Ne, më shumë se çdo vend tjetër në botë, e dimë rolin dhe rëndësinë që kjo organizatë ka pasur në krijimin e paqes dhe stabilitetit në rajonin tonë.
Roli i misionit të OKB-së ka qenë tejet i rëndësishëm në Kosovë, si në demokratizimin, ashtu edhe në ndërtimin e institucioneve, që më vonë e shpallën edhe pavarësinë. Ne i jemi mirënjohës OKB-së për punën e madhe që po bënë për promovimin e paqes, sigurisë dhe stabilitetit në Kosovë dhe gjithandej botës. Ndërsa, tani është koha që Kosova të bëhet anëtare e plotë e kësaj organizate”, ka shkruar Thaçi.
O Thaç beni nje here shtet e pastaj pretendoni per OKB e ku di une. Gjer tani arritjet qe keni jane fale ndihmes e mirkuptimit te nderkombetareve me ne krye SHBA, sa per seren tuaj se meritoni lirine qe keni. Jeni abuzuesit me te medhej te lirise, qe ka pare ky komb.