Këtë të dielë është ndërruar ora dukë kthyer akrepat një orë prapa. Zyrtarisht kemi hyrë në orën dimërore, ndërrim që u bë për herë të parë në vitin 1916 në vendet e Europës Veriore dhe tani është vendosur në rreth 70 vende, kryesisht të hemisferës veriore.
Në vitin 2021 vendet e BE-së do të vendosin nëse do të ndjekin praktikën e ndryshimit të orës, apo do të aplikojnë vetëm atë pranverore apo atë dimërore. Ndryshimi i kohës në Europën Perëndimore u vendos në fillim të viteve 1970 me arsyetimin se me atë zgjatet dita, mundësohet kursimi i energjisë elektrike, rritet produktiviteti, përmirësohet përshtatja e njerëzve dhe dita e punës bëhet më efikase.