Një 31-vjeçar nga Tiranë është arrestuar për shkak se ka shkelur rregullat e qarkullimit e më pas është përpjekur të korruptojë policin që e ka ndaluar. Sipas njoftimit të policisë drejtuesi i mjetit me iniciale G. T. ka kaluar me semafor të kuq dhe ka vazhdua të ecë deri sa është ndaluar nga agjenti verifikues i policisë.
Pas ndalimit drejtuesi i automjetit i ka ofruar policit një kartmonedhë prerje 5000 lekë, me qëllim shmangien e masës administrative. Në këto kushte është bërë menjëherë arrestimi në flagrancë i shtetasit me iniciale G. T, për veprën penale “Korrupsionit aktiv ndaj personave që ushtrojnë funksione publike”.