Cristiano Ronaldo ka rezultuar pozitiv me Covid-19 edhe në testin e tretë.
Pak ditë më parë ai rezultoi pozitiv në testin e dytë, por shenjat e virusit ishin të dobëta, duke ngjallur shpresa se do rikthehet në fushë ditën e sotme në ndeshjen kundër Barcelonës.
Mirëpo, pas rezultatit të tamponit tashmë e humbëm mundësinë për ta parë atë sërish përballë Messit.
Kujtojmë që Ronaldo është jashtë fushave që nga data 13 tetor sipas federatës portugeze ka qenë asimptomatik dhe pretendohej se po e kalonte lehtë, por gjërat me sa duket janë ndryshe dhe beteja e tij me virusin ende nuk ka përfunduar.
Ronaldo mungoi në përplasjen e Portugalisë me Suedinë dhe gjithashtu nuk ishte as në ndeshjen e Juventus ndaj Dinamo Kiev.
Mirëpo, gjatë gjithë kësaj kohe, mediat nuk kanë pushuar për telashet që mund t’i ketë hapur Ronaldo vetes me veprimet e tij.
Lajmi për infektimin e Ronaldos, në funksion të ndeshjeve të ardhshme të kampionatit dhe mbi të gjitha për debutimin në Champions League ka ngritur një kambanë alarmi në dhomat e zhveshjes së Andrea Pirlo dhe ka irrituar drejtuesit e Juventusit.
Klubi i Andrea Agnelli, përveç shqetësimit për shëndetin e tij, ka frikë nga pasojat ligjore pas vendimit të CR7 për të mos dëgjuar këshillat e marra nga lart. Pasi dy persona në kontakt me ekipin u prekën nga Covid-19, presidenti i Juventusit në fakt u kishte kërkuar të gjithë lojtarëve të tij që të mos iu përgjigjen thirrjeve ndërkombëtare. Por, Ronaldo u largua për në Portugali për të luajtur ndeshjet e Ligës së Kombeve.
Së fundmi, ministri për Sportin Vincenzo Spadafora ka thënë se Ronaldo ka shkelur protokollin e COVID-19 dhe se për të po zhvillohet një hetim.
“Në dalje, Ronaldo nuk e respektoi protokollin.Tani për tani, ne nuk kemi ndërmend të ndalojmë futbollin profesionist, por Seria A vendosi vetë një protokoll dhe më pas nuk e respektoi atë. Virusi po na frikëson të gjithëve, andaj rregullat duhet të respektohen nga të gjithë.Cristiano nuk e ka respektuar protokollin dhe po zhvillohet një hetim për këtë”.