Motër e vëlla në Përrenjas kanë humbur jetën me pak orë distancë nga njëri-tjetri, pasi ishin konfirmuar si të prekur me Covid-19. Irena Bajlozi, me profesion mësuese dhe vëllai i saj Ajron Bajlozi edhe pse ishin të shtruar në spital nuk kanë arritur ta mposhtin virusin vdekjeprurës. Lajmi është bërë fillimisht i ditur nga ish-kryetarja e bashkisë së Përrenjasit, Miranda Rira.
Me anë të rrjetit social Facebook, ajo ka shprehur ngushëllimet për familjen në këtë tragjedi të dyfishtë.