Ndryshime në radhët e drejtorve të Policisë së Shtetit. Drejtori i Përgjithshëm, Ardi Veliu ka firmosur ndryshime në Kukës, Elbasan dhe Dibër.
Burime për news 24 bëjnë me dije se Arjan Muça, drejtori i Drejtorisë Vendore të Policisë në Elbasan do të transferohet në Tiranë tek Drejtoria e Përgjithshme për t’ia lënë vendin zv/drejtorit Alket Shatro.
Në Kukës Erigert Mitri, drejtor i Drejtorisë Vendore po ashtu transferohet në Drejtorinë e Përgjithshmë të Policisë teksa në vend të tij emërohet Alban Çela, drejtori i DVP Kukës.
Edhe Skënder Kalemi i Dibrës do të transferohet në Drejtorinë e Përgjithshme dhe në vend të tij do të shkojë Artur Selimi që mbante detyrën e zv/drejtorit të Drejtorisë në Vlorë.