• |
ide | kryesore

PD: 10 ditë pas inagurimit të punimeve në gjimnazin ‘Sami Frashëri’ nuk ka asnjë lëvizje

Lajme, Të fundit

Ish-deputetja e Partisë Demokratike, Jorida Tabaku, vijon të denoncojë mungesën e punimeve për rindërtimin e gjimnazit “Sami Frashëri”, i cili u shemb pas dëmeve të shkaktuara nga tërmeti i nëntorit të vitit që lamë pas. Tabaku shprehet se 10 ditë pas inagurimit të nisjes së punimeve në gjimnazin e njohur të kryeqytetit, aty nuk shihet të punojë askush.


“10 ditë mbasi shkolla Sami Frashëri është inauguruar punimi, nuk ka akoma asnjë lëvizje.


Kjo është fytyra e vërtetë e Rilindjes, kjo është fasada që u ka ofruar shqiptarëve për 7 vite dhe këtë vazhdon të ofroj edhe sot. Mbasi kemi javë që i bëjmë qeverisë dhe bashkisë disa pyetje, akoma nuk kemi asnjë përgjigje.

Pse shkolla “Sami Frashëri” u prish në mes të pandemisë në 24 prill pa pasur një projekt?

Pse shkolla “Sami Frashëri” kushton 4.5 milion euro, ndërkohë që shkollat e tjera të ngjashme, të cilat ndërtohen me fondet e BE-së kushtojnë 700 mijë euro?

Pse gënjeu Ahmetaj dhe Veliaj kur thanë që kjo shkollë do të ndërtohet me fondet e BE-së, ndërkohë që BE-ja konfirmon të kundërtën?

Kush janë firmat që fshihen pas ndërtimit të shkollës “Sami Frashëri”?

Për shumë shqiptarë, fasada e Rilindjes ka rënë. Tërmeti dhe pandemia e treguan situatën e vërtetë të shtetit, treguan se si këto punojnë, treguan që mbasi fiken kamerat çdo gjë ndalon dhe shkolla “Sami Frashëri” është thjesht një shembull tjetër që shtohet në perlat dhe në bëmat e Rilindjes.

Shkolla “Sami Frashëri” është thjeshtë një shembull korrupsioni, babëzie, paaftësie dhe arrogance që Bashkia e Tiranës ofron çdo ditë për qytetarët e saj. Dhe nuk kishte si të ishte ndryshe sepse fotokopja në krye të bashkisë do të bëjë të njëjtën gjë që bën edhe kryeministri”, u shpreh Tabaku.

2 Comments

Lini një Përgjigje

Adresa juaj email s’do të bëhet publike.

Kthehu