• |
ide | kryesore

INTERVISTA/ Eksperti i OKB-së: E vërteta e vizitës me Lulzim Bashën në “Shtëpinë e Verdhë”

-Instant, Arkiva, Lajme, Të fundit

Në dhjetor të vitit 2010 gazeta zvicerane “Le Tiemps” publikoi një intervistë me një ekspert të OKB-së të quajtur Jose Pablo Baraybar, antropolog dhe hetues në misionin e të ashtuquajturës “Shtëpia e Verdhë” në Shqipëri.


Raporti i Dick Marty pretendonte se kjo shtëpi ishte një bazë të UÇK-së ku ishin kryer transplante ç’njerëzore me organet jetike të pengjeve serbë. Në shkrimin e gazetës zvicerane, eksperti Baraybar citohej se të kishte thënë se gjatë hetimeve që kishte kryer në “Shtëpinë e Verdhë” shoqërohej nga Lulzim Basha si përkthyes.


Por gazetari Habjon Hasani thotë se pas publikimit në gazetën zvicerane i kishte kërkuar një intervistë ekspertit Baraybar i cili mohoi kategorikisht të ishte shprehur për gazetën zvicerane “Le Tiemps” se kur kishte vizituar “Shtëpinë e Verdhë” ai shoqërohej nga Lulzim Basha.

“Unë kurrë nuk kam thënë dhe e përsëris, kurrë, se zoti Basha ishte me mua në Shtëpinë e Verdhë. Nëse kjo është botuar ka qenë një citim i gabuar”, – u përgjigj eksperti duke demontuar me një fjali gjithë tymnajën e ngritur në Tiranë. Hasani ka publikuar në hashtag.al të plotë intervistën e Dhjetorit 2010 me ekspertin e OKB-së të publikuar në atë kohë në gazetën MAPO.

INTERVISTA:

Z.Baraybar, në një intervistë për “Le Temps”, ju keni përmendur hollësi rreth hetimit tuaj në “Shtëpinë e Verdhë” në Burrel. 8 vjet pas kësaj, cila është përshtypja juaj? Sipas këndvështrimit tuaj, a është e vërtetë kjo histori?

Është e vështirë të vlerësosh historinë si të vërtetë ose të pavërtetë, ajo që është e qartë është se informacioni që kemi hasur përsëri në Kosovë ishte sigurisht i besueshëm. Siç thotë raporti i Marty-t, shumë është diskutuar rreth Shtëpisë së Verdhë dhe diçka e tillë është vetëm pjesë e një pamjeje shumë më të gjerë. Ne gjithashtu duhet të dallojmë dy grupe të të dhënave, që raporti Marty po artikulon pasi ka hetuar një numër drejtimesh për dy vjet) 1) ekzistenca e UÇK-së në Shqipëri dhe 2) trafikimi i mundshëm i organeve.

As në këtë moment dhe madje as atëherë, askush me mendje të kthjellët nuk do të thoshte se nuk kishte kampe të UÇK-së në Shqipëri dhe se njerëzit nga Kosova u morën nga përtej kufirit dhe se disa vdiqën atje. Unë kam intervistuar personalisht viktima që ishin atje (në Kukës). Për sa i përket trafikimit të organeve dhe faktit që disa njerëz të dërguar në ato kampe mund të kenë përfunduar në një rrjet të trafikut të organeve është pretendimi kryesor që duhet të hetohet më tej.

Ne kemi lexuar raportin e Dick Marty-s dhe pretendimet e Carla Del Ponte, gjithçka që gjetëm ishte e dyshimtë dhe pa prova. Çfarë mendoni për përfundimet e Marty-t?

Çdo hetim fillon si pretendim dhe dyshime, prandaj duhet të kryhet një hetim i duhur. Askush sipas meje nuk po pretendon gjëra pa bazë. Libri i Del Pontes është një raport biografik dhe nuk duhet të presim të gjejmë ndonjë “provë” në të, raporti Marty është një raport shumë më i plotë dhe për mendimin tim ai paraqet një numër drejtimesh që duhen ndjekur.

Z.Lulzim Basha reagoi sot (19 Dhjetor 2010). Ai e mohoi që të kishte qenë atje me ju, si përkthyes. Ai tha se gjatë asaj kohe, ai ishte duke punuar për UNMIK-un. A keni ndonjë dëshmi në lidhje me udhëtimin tuaj së bashku atje?

Unë kurrë nuk kam thënë dhe e përsëris, kurrë, se zoti Basha ishte me mua në Shtëpinë e Verdhë. Nëse kjo është botuar ka qenë një citim i gabuar.

Janë bërë shumë hetime në “Shtëpinë e Verdhë” nga Tribunali i Hagës, Këshilli i Evropës dhe autoritetet shqiptare. Askush nuk mund të gjente prova në lidhje me trafikimin e organeve. A mendoni se është e mundur të gjesh prova, nëse do të zhvillohet një hetim tjetër?

Për aq sa di unë, i vetmi “hetim” i Shtëpisë së Verdhë ishte ai që ne zhvilluam në vitin 2004. Gjithashtu duhet të kemi parasysh se edhe gjatë vizitës tonë në vitin 2004, probabiliteti për të gjetur prova të drejtpërdrejta të asaj që ndodhi pesë vjet më parë ishte tashmë i vogël. Mos harroni gjithashtu se një nga pretendimet sipas burimeve është se kufomat e viktimave ishin hedhur në varrezat lokale jo shumë larg shtëpisë. Një vizitë në varreza e bëri megjithatë praktikisht të pamundur të dihet se ku mund të kërkohet me informacionin paraprak. Trafikimi i organeve si krim duhet të hetohet nga shumë këndvështrime. Megjithatë është e qartë se si praktikë në zonë nuk është e re. Mos harroni klinikën ‘Medicus’ në Prishtinë. Një hetim i tillë do të përfshinte vlerësimin se kush është i përfshirë në rrjete të mëdha kriminale që mund të jenë në të vërtetë dhe ndër shumë gjëra të tjera, bëjnë edhe trafik organesh. Por qartësisht, çdo hetim duhet të ketë bashkëpunimin e të gjithëve. Nuk ka kuptim të thuash se gjërat janë të pavërteta nëse nuk ke treguar se janë të pavërteta, ose të vërteta për atë çështje. Për momentin ka akuza dhe të dhëna paraprake që sugjerojnë shumë gjëra, vetëm një hetim sistematik do i dalë çështjes në fund.

Ju keni thënë që keni gjetur pajisje për transfuzione gjaku, shiringa dhe gjëra të tjera. A keni marrë diçka me vete dhe e keni analizuar? Nëse po, cilat janë përfundimet?

Z.Baraybar, në “Le Temps” ju keni thënë se keni parë një raport në lidhje me trafikimin e organeve, me dëshmitarë dhe prova. A mund të na tregoni se cila ishte rruga e trafikimit, sepse nëse raporti që keni lexuar ishte një hetim i plotë ai do të duhej të kishte emrat e protagonistëve të tjerë të këtij të ashtuquajturi trafik, njerëz që blejnë këto organe, destinacionet e tyre dhe përbërës të tjerë . A mund të shtjelloni më shumë rreth kësaj…

Jo. Ajo që unë u kam thënë për “Le Temps” është se kam marrë një informacion të besueshëm nga 8 burime të ndryshme që nuk e njihnin njëri-tjetrin rreth njerëzve të dërguar në Shqipëri, disa prej të cilave do të mund të kenë përfunduar në Shtëpinë e Verdhë. Kjo është arsyeja pse ne arritëm në Shtëpinë e Verdhë fillimisht. Nuk ishte çështje zgjedhja e ndonjë shtëpie në Shqipëri dhe planifikimi i një vizite. Kjo ishte bazuar në informacionin që morëm. Për më tepër do t’ju bëja një pyetje. Si mendoni se do të kishte gjasë të shkonit në ndonjë shtëpi në Shqipëri, që është një shtëpi e rastësishme dhe të gjeni të njëjtat gjëra që gjetëm? Unë do të thosha asnjë. Kjo sidoqoftë dhe unë këmbëngul, nuk është provë e asgjëje, është më tepër pjesë e një numri elementësh të tjerë që duhet të përdoren në një hetim.

Sipas këndvështrimit tuaj, është e mundur të bëni një transplantim në mes të askundit, në ato kushte?

Askush në dijeninë time nuk ka sugjeruar që transplantimet janë bërë në mes të askundit. Trafikimi i organeve ka të bëjë me tregtimin e organeve të nxjerra në mënyrë të paligjshme për një dhurues. Tjetër çështje është vetë procesi i transplantimit (mjekësor). 

FUND/ 19 Dhjetor 2010

5 Comments

  1. kjo opozitë ka udhëhequr një fushatë, jo thjesht pro presidentit Donald Trump, por ka ushqyer edhe iluzionet e mbështetësve të saj, se Trump do të jetë njeriu që do të rrëzojë Edi Ramën nga pushteti.

    Më interesante është se figura të larta të opozitës, si Lulzim Basha, Bujar Nishani, Sali Berisha e Fatmir Mediu, kanë lëshuar deklarata pro Biden, kur nga ana tjetër kanë qenë nga njerëzit që janë investuar edhe me para për të qenë prezent në instalimin e Donald Trump, për të siguruar një foto me të, apo edhe për të qenë pjesë e takimeve me zyrtarë të administratës së tij, apo për qasje në mediat pro Trump.Po pse nuk genjen ky hasani dhe genjen gazeta zviceriane

  2. Me mire se e di Hasani nuk e di gazeta zviceriane, e cila mund te jete sponsorizuar edhe mga lali zdromsi me urdher te shefit te tij. Parate e droges dhe betonit ne tirane ngrene perpjeti oqeanin e jo nje gazete zviceriane. Pastaj, cfare interesi ka Hasani te genjej se ishte apo jo Luli. Apo ka pas frike kete te fundit.

  3. O loqet e Lapsit jeni te gjithe kriminela ju Pd-errat dhe dhe udheheqesit e saj qe ju paguajne juve per tu sherbyer(lepire b…) atyre.

  4. Ka dale intervista e ketij mjeku a cfare ishte qe thote se lulja ka qene bashke me te ne Kukes ne kerkim te kampeve por vetem me ze jo me figure si Likja.Mos flisni kot ai ka dhene vete interviste ku thote se Lulja me ka shoqeruar si perkthyes.Pastaj kur Lulja s’paska qene le te dali ta kundershtoje, jo per gje por nje gje qe s’e ke bere e thua publikisht.

Lini një Përgjigje

Adresa juaj email s’do të bëhet publike.

Kthehu