Sukseset duket se nuk kanë të ndalur për artisten shqiptare e cila jeton dhe vepron në Zvicër, Loredana Zefi.
Ajo edhe këtë vit është zgjedhur si “Performuesja më e mirë zvicerane” në evenimentin e madh të ndarjes së çmimeve, MTV Europe Music Awards. Lajmin e ka bërë të ditur përmes rrjeteve sociale, ndërsa shprehet e lumtur për të gjithë përkrahjen që mori.
“Rrëmbeva çmim në MTV Award për të dytën herë, faleminderit të gjithëve që më votuan. Ju dua të gjithëve”, ka shkruar ajo.