Rama i përgjigjet Bashës: Sjellje mizerabël prej kalamani të llastuar, do të kthehet mbrapsht si shuplakë nga populli

Edi Rama iu përgjigj në Twitter akuzave të sotme të Lulzim Bashës në Facebook për situatën me pandeminë.

Lexo më tej: ‘Mbi 500 raste të reja me Covid dje’/ Basha shtron pyetjen: Çfarë po bën Rama? 

“Lulëzim është jo vetëm e kotë po edhe e ulët rrekja jote për ta bërë Covidin pjesë të frontit qesharak opozitar! Kjo luftë është e vështirë për çdo shtet, s’ka si të jetë e lehtë për Shqipërinë, por spitalet Covid nuk janë aspak në kolaps siç predikon ti dhe lufta vazhdon papushim!” shkruan Rama, ndërsa akuzon Bashën se synon panikun dhe çoroditjen me dizinformimet e përditshme.

“Ti synon panikun dhe çoroditjen me dizinformimet e përditshme, por kjo sjellje mizerabël prej kalamai të llastuar që do me çdo kusht lodrën e vet, do të të kthehet mbrapsht si një shuplakë më shumë nga ky popull që nuk e bën dot për budalla, as ti, as Mona,as Likja e as Saliu!” shkruan Rama.