Lewis Hamilton numëron ditët që e ndajnë nga GP e Turqisë e – gjithashtu – nga titulli i shtatë kampion. Për të gjithë kundërshtarët e tij vështrimi është hedhur nga sezoni i ardhshëm, sepse ky aktual është pronë e Mbretit të Zi. Anglezit i mjafton ta mbyllë garën në vendin e dytë, pas Bottas për të barazuar Schumacher. Por shoku i skuadrës mund ti shtyjë gjërat, nëse vendos edhe xhiron më të shpejtë të garës, me qëllim që të fitojë tetë pikë ndaj rivalit e kështu (nga 197 aktualisht) të ngjitet në 223 pikë. Me Hamilton (+18) në këtë pikë që do të ngjitej në kuotën 300 (aktualisht 282). Finlandezi do të pozicionohej -77, duke ruajtur një pikë shprese. Sigurisht kjo do të ishte hipotezë ekstreme, sepse Hamilton duhet të mos marrë pasatj asnjë pikë në tre garat e fundit!
Nuk duhet të bëjë llogari Max Verstappen. Piloti hollandez (i treti me 162 pikë, 35 më pak se Bottas) megjithatë ka përfituar për një shigjetim të helmatisur drejt Hamilton: “Nuk ndihem i frustruar nga superioriteti i Hamilton e Mercedes. Kam admirim të madh për atë që po bëjnë, por të jem i sinqertë, mendoj se 90% e pilotëve sot në pistë do të ishin në gjendje të fitonin me atë makinë. Nuk kam asgjë me Leëis, është një kampion i madh, por nget një makinë superiore ndaj të tjerëve” përfundoi piloti i Red Bull.