Cas i Lozanës ka dënuar Andrea Iannonen me 4 vjet pezullim, duke i dhënë praktikisht fund karrierës së pilotit nga Vasto. Dënimi mbërrin nga 17 dhjetori 2019, ditë në të cilën është zbuluar pozitiviteti i tij ndaj një steroidi anabolizues (Drostanolon), si pasojë e një kontrolli antidoping kryer në GP e Malejzisë. Iannone ishte dënuar me 18 muaj pezullim në 31 marsin e kaluar nga Gjykata Disiplinore Ndërkombëtare, por gjykatësit zviceranë kanë vendosur të pranojnë kërkesën e World Anti Doping Agency, duke i dhënë tashmë ish-pilotit të Aprilias një dënim më të rëndë.
Vendimi i CAS parashikon gjithashtu se rezultatet e marra nga Iannone, duke filluar nga 1° nëntori do të konsiderohen të pavlefshme, me gjithë pasojat e rastit: përfshirë humbjen e medaljeve, pikëve në kampionat e cmime.
Aprilia, që e ka mbrojtur gjithnjë Iannonen e ka mbrojtur bashkë me pilotin tezën e kontaminimit të ushqimit të pavetëdijshëm, duhet të gjejë tashmë një pilot të ri, për ta bashkuar me Aleix Espargaro në 2021.
“Sot kam pësuar padrejtësinë më të madhe që mund të pësoja. Më shkulën zemrën duke më ndarë nga dashuria ime e madhe”. Andrea Iannone i beson profilit të tij në Instagram fjalët plot hidhërim pas dënimit 4 vjecar për shkak të dopingut të konfirmuar nga CAS. “Motivimet janë pa sens logjik e me të dhëna të gabuara. Për këtë vend e kohë të përshtatshme… sepse nuk kam ndërmend të dorëzohem”, ka thënë piloti i Aprilias. “E dija se përballesha me fuqi të mëdha – vazhdon Iannone – por shpresoja. Shpresoja në ndershmërinë intelektuale e në afirmimin e drejtësisë. Në këtë moment vuaj sa më shumë nuk ka. Por kush është munduar të më shkatërrojë jetën shpejt do ta kuptojë forcën që kam përbrenda. Forca e pafajësisë e mbi të gjitha… ndërgjegjia e pastër. Një vendim – përfundoi ai – mund të modifikojë ngjarjet por jo njeriun”.