OFL i ka dërguar formularin tre të dënuarve për vepra të ndryshme penale në Vlorë. Jurgen Veizaj (Memaj), Hekuran Gerbin, Saimir Bubeqin duhet të deklarojnë brenda 48 orësh se e kanë vënë pasurinë në rrugë të ligjshme, në të kundërt do t’i sekuestrohet.
“Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme” shkuhet në njoftim. OFL-ja njofton se është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.