Masat e reja anti-Covid kanë hyrë në fuqi mbrëmjen e djeshme në Kosovë. Kufizimet e reja të lëvizjes, u shoqëruan me indinjatën e një qytetareje nga Peja, e cila u gjobit nga policia në vlerën 200 euro, kur po kthehej nga puna në shtëpi. Qytetarja, Dafina Boja ka thënë se ka përfunduar orarin e punës në Prishtinë në orën 17:30, dhe pastaj është nisur menjëherë për në Pejë. Për vetë faktin që Peja është futur në izolim në orën 19:00, policia e ka gjobitur qytetaren. Ajo ka reaguar në Facebook, dhe ka shprehur zemërimin ndaj vendimeve të qeverisë. Ja postimi i saj:
Po pse 200 eur mor ju vrafte zoti,,,,,, veni gjoba simbolike jo gioba gjakpirse. Njesoj si ne Kosove ene Shqiperi duke na e bere jeten ferr i grusht servilash pushtetaresh,,,, duhet te ket frym bashkimi mes qytetareve si ne Shqiperi dhe ne Kosove kundra ktyre sepse edhe pak e do mbetemi pa atdhe.