• |
ide | kryesore

“Ditë e zezë” në Shqipëri, 694 raste të reja me Covid, ndërrojnë jetë 6 pacientë

-Instant, Lajme, Të fundit



Ministria e Shëndetësisë dhe Mbrojtjes Sociale njofton se në 24 orët e fundit një tjetër rekord infeksionesh është shënuar në vend. Kështu janë testuar pozitivë 694 persona, ndërsa kanë humbur betejën me virusin gjashtë qytetarë.

Perditesimi i plote i situates:

Ministria e Shëndetësisë dhe Mbrojtjes Sociale ju bën thirrje të gjithë qytetarëve të respektojnë rregullat e higjienës, distancimit fizik dhe mbajtjen e maskës në çdo ambient jashtë shtëpisë.

Komiteti Teknik i Ekspertëve ka vendosur ditën e sotme të ndalohen grumbullimet me më shumë se 10 persona në vende të hapura dhe të mbyllura, të ndalohen mbledhjet partiake dhe tubimet, lonferencat, ceremonitë e festave, ceremonitë martesore dhe organizimet përtej familjare të ceremonive mortore, deri në një urdhër të dytë.

Në 24 orët e fundit, në vendin tonë janë kryer 2,560 testime, prej të cilave 423 janë testime jnë kryer për arsye depistimi.
Kanë rezultuar pozitivë me virusin SARS COV2, 694 qytetarë në 24 orët e fundit. Rastet pozitive të konfirmuara në 24 orët e fundit janë identifikuar në këto bashki:
334 raste në Tiranë, 41 në Berat, 39 në Fier, 36 në Lushnje, 32 në Vlorë, nga 28 raste në Durrës, Gramsh, 19 në Kavajë, 17 në Sarandë, 14 në Mallakastër, 13 në Krujë, nga 12 raste në Kurbin, Mirditë, Gjirokastër, nga 10 raste në Lezhë, Pogradec, nga 7 raste në Kukës, Kuçovë, 6 në Korçë, 5 në Shkodër, nga 3 raste në Has, Pukë, nga 1 rast në Elbasan, Tropojë, Përmet, Dibër, Bulqizë, Peqin.

Në 24 orët e fundit janë shëruar 351 qytetarë, duke e çuar numrin e të shëruarve 13,804 që nga fillimi i epidemisë.
Aktualisht në 3 spitalet COVID, po trajtohen 412 pacientë, 13 në terapi intensive, nga të cilët 3 të intubuar.
Me gjithë përpjekjet e mjekëve, në 24 orët e fundit, kanë humbur jetën 6 qytetarë me Sars-Cov2 pozitiv në spitalet COVID: mjeku 66 vjeçar Ilirjan Draçi, një 28 vjeçare, një 61 vjeçare, një 76 vjeçare, dhe një 78 vjeçar nga Tirana, një 63 vjeçare nga Elbasani.
Ministria e Shëndetësisë dhe Mbrojtjes Sociale i drejtohet të gjithë qytetarëve që janë të konfirmuar ose në pritje të përgjigjes së testit, të qëndrojne të izoluar, duke respektuar detyrimin e vetekarantinimit.
Për çdo shenjë të sëmundjes duhet të kontaktoni mjekun tuaj të familjes. Nëpërmjet linjës së gjelbër falas 0800 40 40 mund të lidheni me mjekun e familjes dhe të merrni informacionin e nevojshëm për COVID19.
Urgjenca Kombëtare është 24/7 në shërbim të pacientëve. Telefononi 127 nëse dyshoni se jeni të prekur nga Covid19 dhe për çdo urgjencë mjekësore.

COVID-19 – Statistika (17 Nëntor 2020)
Raste të reja ditore 694
Të shëruar ne 24 orë 351
Të shtruar në spitale 412
Humbje jete në 24 orë 6
Testime ditore 2,560
Testime totale 160,451
Raste pozitive 29,126
Raste të shëruara 13,804
Raste Aktive 14,685
Humbje jete 637

Shpërndarja gjeografike e rasteve aktive sipas qarqeve:
Tiranë 7158
Durrës 1182
Fier 1169
Korçë 844
Shkodër 812
Elbasan 762
Vlorë 686
Lezhë 635
Berat 501
Gjirokastër 439
Kukës 356
Dibër 141



2 Comments

  1. Fatkeqesi e madhe,ngushllime familjeve qe kane humbur te dashurit e tyre !
    Edvin ?!Je fatkeqesia me e madhe qe i ka sjelle ndonjehere Shqiperise i “madhi zot” !

  2. Six shihet, maskat te gusha dhe sidomos dalja e virusit nga shtepia pas ores 22..00 dhe futja e tij nga dritaret neper shtepi te njerezise, dhane shume efekt ne kete “lufte ndaj armikut te padukshem”.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *